السلام عليكم
خاوتي كاين عندنا مثل يقول

(قاولو للعمى علاه تحوس قالهم على الضوء)

نطبقو المثل هذا على المنتخب الوطني ممكن فيكم واحد يقلي ماهوش حاب يفرح ويخرج يديفولي كي تربح الفرقة نتاعنا بكل تاكيد نعم ...............

كاين ناس راهم يقلك علاه الشيخ يحقر الشادلي .......علاه ما يعيطلوش........علاه هذاك ماهوش لاعب ......

لكن العيب ماشي في الشادلي الشادلي لاعب من طينة الكبار والدليل الاداء نتاعو اليوم في المقابلة الودية مع ليفربول اللي عمل فيها اشياء كثيرة ولما خرج الملعب كامل ولى يصفق عليه حقيقة تتفخر انو كاين ولاد بلادنا اللي رافعنا ريوسنا في كل بلاصة............

نرجعو لسبب عدم استدعاء الشادلي قولولي يرحم بباكم كي عيطلو الشيخ ويبقى قاعد في البنك يقصر كيما نهار صربيا هو( وبوقي يبانو عجايز نتاع الحمام)............انا نفضل انو مايجيش ومايعطلوش الشيخ مدام مايلعبش....... ويخليه في الفرقة نتاعو يكسب ثقة المدرب ويبقى في المستوى نتاعو افضل .........ونهار يقتنع الشيخ ديالنا بانو حان وقت التجديد ولازم نديرو الثقة في ليجان كيما عبدون وبودبوز ذاك النهار قولو علاه ماعيطش للشادلي ..............اما ضرك نقولو فيف زياني والقدام انا ماشي ننتقد في زياني حشا ماننساش بلي هو اللي كان الدينامو نتاع الفرقة بصح وصلنا المرحلة لازم نستعرفو غير بالواجد واللي يمد .........مشكورين على المتابعة ...........ربي يحفظكم ويهنيكم خاوتي وشرفوني بردودكم حتى لوكان تكون بايخة المهم نسمع رايكم ...............

سلام عليكم