موضوع: دورة في العناية بالجسم الثلاثاء مارس 02, 2010 11:13 am
بسم الله الرحمن الرحيم
السلام عليكم ورحمه الله وبركاته
مواضيع كثير بهالمنتدى وبكل المنتديات تحكي عن البياض ..ازلة الهالات..تفتيح الأماكن الغامقة..العناية بالبشرة..وضفات ..خلطات.. مركبات.. كريمات.....
والقاسم المشترك فيها كلها انك تغسلين وجهك أو جسمك بالصابون
لكل مشكلة بجسمك نوع من الصابون....
يعني فيه صابون يشد وفيه صابون يفتح وفيه صابون ينظف و فيه اللي يزيل الحبوب واللي يزيل البقع الفامقة,و.....و.....و
تبين صابونة تريحك ولها مفعول كل انواع الصابون وتناسب كل انواع البشرة
لا وبعد من صنع ايدك تقريبا
انا لي عليها 4 سنوات تسويها امي لنا بالكمية
جسمي ولله الحمد مرة ابيض وناعم ومافيع اي اثر او لون ولله الحمد
طبعا السر بالصابونة وحاجات ثانية اقولها لكم بالدروس الجاية
اللي تبي تنضم معي تتفضل....وانا اخليها بالنهاية ملكة لا وبعد تصير مدرسة في فن العناية بالجسم..اللي وهبنا اياه الله سبحانه وتعالى..وماعلينا سوى المحافظة عليه.. الدرس الأول:
صابونة لتفتيح الجسم والوجه
اول شي هاتي بقدونس طازج نظفيه زييين من الشوائب وحطيه بالخلاط ضيفي عليه شوي ماء ورد وذرات نشا وذرات حليب بودرة كامل الدسم...اخلطيه زييين بالخلاط ثم حطيه بقدر وحطيه على نار هادئة وجيبي صابون الطاووس وابشريه على القدر وحركي ...ز ظلي تقلبينه لين ما يتجانس ويذوب الصابون ثمن بسررررعة جيبي قوالب الثلج وحطي بالملعقة الكبيرة بالقوالب واتركي قالبين فارغة ليييش؟ ابيك الحين تشرن من العطار ليفة طبيعية وقطعيها قطع صغيرة جدا وانثريها على الكمية الباقية اللي بالقدر واغرفيه بالملعقة بالقالبين الفاضية...... اتركيهم ساعة او اكثر تلقينهم جمدوا طلعيها من القوالب وشيليها للاستعمال
غسلي جسمك ووجهك كل يوم بالصابونة وقبل كل وصفة ومع كل خلطة
اما القالبين اللي مزجتي فيه الصابون بالليف استعمليه مقشر لجسمك مع الماء مرة بالاسبوع وشلون الطريقة: بللي جسمك بالماء وغسليه بهاي الصابونة بطريقة دائرية بخفة مو بقوة 10 دقايق ثم اغسليه بالماء
والمقادير: البقدونس لكل نصف حزمة 2فنجان تقريبا ماء ورد واخلطيه واذا شفتيها جامدة ما انخلطت زين صبي شوي شوي ماي واخلطي بالخلاط الين ما تلقينها طرية اما النشا والحليب ذرات بسيطة باليد
البقدونس حطيها بكبرها موبس الورق
حتى مغلي البقدونس يصفي البشرة مررررة
الفايدة بالنبتة كلها مو بس بالورق
والقوالب انا افضلها صغيره عشان تخلص بسرعة
لأنها تعرفين مواد طبيعية اخاف تخرب
والباقي من الصابون اللي ما استعمله الفه زين بكيس بمكان جاف الصابونة اللي بالليفة تنعم المناطق الخشنة على العموم اذا مالقيتي صابونة الطاووس جيبي صابونة زيت الزيتون او الغار او البابايا....
او اي صابونة طبيعية المهم طبيعية مو لوكس ودوف وما ادري شنو
فهمتوا علي؟!! سؤال : الصابونة ماطلعت جامدة بالمرة وش الحل؟ نفس البصابونة اللي عملتيها الحين روحي زودي عليها صابون وسخنيها \\ شوي على نار هادية اذا ذابت الصابونة مع البقدونس ومع الصابون الاول ارفعيه من النار وجمديه بالقوالب ثاني
عموما رغوة الصابونة قليل مو كثير
ولاترمينها هي صحيحة بس زيدي شوي صابون
والفايدة موبالرغوة الكثير لأن هالرغوة مواد كيماوية ـــــــــــــــــ
???? زائر
موضوع: رد: دورة في العناية بالجسم الثلاثاء مارس 02, 2010 6:30 pm
شكرا اخي علي درس المفيد ننتظر المزيد من ابداع قلمك
موضوع: دورة في العناية بالجسم 
الثلاثاء مارس 02, 2010 11:13 am
