قالك هذا موبايل قال للشريحة(بيس)روحي انت مطلقة بدات تبكي وقاتلو والرصيد الي فبطني هههههههه (مسكينة طلقها وهي حامل)

قالك املا واحد وكال . الماكلة كي يعود يتحط عليها ما يحبسش خلاص (ما عندوش الفران)املا راح للمريكان .ووصاتو امو دايما قبل ما ياكل يسمي (باه ما ياكلش معاه الشيطان)املا كي وصل لهيه نسى السمانة الاولى ايا ما سماش والتانية تاني......وصل للشهرين ايا خرجلو الشيطان في رايك واش قالو .....على وجه ربي سمي راني قريب نطرطق هههههههههههههههههههههههههههههه

قالك واحد من الدوار راح يتعالج فالخارج (المريكان) املا قالك سقساه الطبيب على السيكاتريس الي راهي في كرشو قالو ?what is these قالو الراجل الي من الدوار ذيس ايز تــــــــش....احححححح ههههههههههههههههههههههههههههههههه(كواوه كي كان صغير باه ما ياخذوهش بالعين)ههههههههه

قالك واحد طفل الصغير يبكي.. يبكي.. يبكي جات عندو امو قاتلو واش بيك غير الخير قالها يا اما راني نبكي على جال المستقبل تاعي....ياوو كي يكبرو صحابي نقعد وحدي ما كاش مع شكون نلعب هههههههههههههههههههههههه

قالك واحد كيما يقولو نذل تلاقا بسراق (زرام) ايا قال الاول للتاني علمني كيفاه يسرقو ونعلمك النذالة قالو ايا ما عليش ابدا انت ايا اداه النذل لدارو املا قالو الدرس الاول هو..........ايا وبدا يعيط سراااااااااااااااااااق سرااااااااااااااااااااااقههههههههههههههههههههههههه هههههههههههههههههه باصه المسكين هههههههههه

ايا املا قالك واحد كل ما يزيد عندو طفل يقتلو ايا سقساوه الجماعة وعلاه راه ادير هك قالهم يااو درت فيهم اجر ياو عصافير فالجنة خير من احمرة (حاشاكم)فالارض هههههههههههههههههههههه

قالك واحد مشحاح الرحمة ماكاش ايا املا كان ياكل بيدو اليسرى ايا قالو صاحبو كول باليمنى هكا راه ياكل معاك الشيطان ايا راح سمم الماكلة هههههههههههههههههه

قالك واحد بايخ وصامط عيط لخطيبتو قالها الحنونة شتي الليل قاتلو ايه قالها شتي النجوم قاتلو ايـــــه (مسكينة ابالها راح يغازلها) قالها شتي القمر قاتلو وهي فرحانة ايـــــــــــــــــــــه قالها املا علاه ما زال ما رقدتيش ههههههههههههههههههههههههههههههههههههههههههههه

(ايا هاذ النكتة ما تصلح بالجزايرية ايا ماعليش) التقى صديقان فقال الاول للتاني هل تعمل سيارتك قال التاني لا مازالت طالبة ههههههههههههههههههههههههههههه

قالك واحد ما يعرف والو اشرى لي كوتار (سماعات) ايا اليوم التاني رجعهم للحوانتي وعلاه ..........قالك راهم فاسدين يمشيو في زوج نفس الغناية من البارح هههههههههههههههههههههههههههه

قالك املا شيخ كان يتفرج فلا تيلي (tv)ايا طاح في قناة تاع الغنا ولقى فيها وردة الجزائرية تغني ...بتونس بيـــــــــــــك قالها الشيخ انت فالنار ايا كملت الغناية وانت معايا ههههههههههههههههههههههههههه

قالك واحد مشغول ازوج بوحدة مشغولة ولدو طفل ماهوش قاعد هههههههههههههههههههههههههههه

قالك واحد مزطول يكحل على وحدة باشعة قالها يا باشعة يا بااااشعة قاتلو اسكت علي اهدر على روحك الي مدروقي قالها يااااو على الاقل غدوة نفيق وانت واش اديري هههههههههههههههههههههههههه

ايا باااااااااااي استناو الجديد فالقريب العاجل (بيناتنا اذا شفت الردود يااااسر نزيد نحكيلكم)ايا صحا

ان شاء تكون عجبتكم برك .

لا تبخلو علي بردودكم وتشجيعاتكم فهذا اول موضوع لي

الله يبارك على هذا الموضوع

قطرة ندى كتب:

مشكووووووووورة على النكت الحلوة جدا

وبارك الله فيك

لكن يجب ان ينقل الى قسم النكت

:D شكرا لك على الرد

شكرا:study:

واش امال السوفية
ممكن التعارف على ولد بلادك ولد المنطقة نتاعك ارجوكيييييييييييييييي الرد بسرعةةةةةةةةة

واله خلتيني نموت بضحك عتسكتيلي قلبي واو بالاك تعمليها

ياعطيك الصحة
دمك باين خفيف

:study:
:0::


البسمـة الدافئـة :لغـة اللـُطف العالميـة

الضحكـة: أعظم سلاح تكافح بـه الحيـاة .. وتهـزم بـه عدوك

:slt:

مششششششكورة صديقتي آمال السوفية
ننتظر المزيد........................................................................ :affraid: ....

ههههههههههههههههههههههههههه يعطيك الصحة.......عادلي مدة مضحكتش كما هاك........حتى لي معايا استغرب من كثرة ضحكي.............يعطيك الصجة

ههههههههههههههههههههههه
مرسي الاخت
ننتظر جديدك

ههههههههههههههه

نكت جميلة
:affraid:

شكرا على ردودكم وتشجيعاتكم
:afro:

والله راك فرغت على قلوبنا يعطيك الصحة
ننتظرو في الجديد ان شاء الله

مشكورة الاخت والله ضحكتينا
ننتظر المزيد ههههههههههههه

ههههههههههههه
يغطيك الصحة