يا ليلتي جاء الصبح ماجاب ابد صبح
.............................و مافيه حتى إنتظار إتصالك

لان إحتمال إنّك تجين أول الربح
.............................للي دفع عمره بشوفة خيالك

ولا ضمن ضمّتك أو شار منصح
.............................همّه على قدر إستطاعه مطالك

يقول من يهوى يبي يفعل الصح
.............................يشدّ عزم النفس هذا مجالك

تنصين من تهوين تنسين ماالكبح
........................بأقصى الشجاعه و التطرف هبالك

في الحب فعلٍ ما بعد فعله أنجح
...............................من السعاده توصلين لمنالك

تأكدي عمر الحزن دايم أرجح
............................و ترددك وقت الفرح إنخذالك

باكر يروح و فالمعاناة نسبح
.........................خلّينا نعيش اليوم و يطيب فالك

على القليل فوقت فرقاه يرمح
........................خيل الفرح باللي مضى عقب جالك

و وقت فقد الخلّ يكفيك تلمح
.......................وقت اللقا و تفرح و يضحك عقالك

كل الجوارح بس من لمح تجمح
.......................و تسمن قناعه لو في فقدك هزالك

مهما زمانك في مفارقه يجرح
........................يبقى زمان الفرح يرفض زوالك

تبقى ملك في الحب في حبّه افلح
........................رغمٍ على أنف حظوظ تنوي جدالك

امّا التخاذل و الأمل وصل يمنح
................................هبال مع ذلٍ يعل و مهالك

إذا المحال فمحل الآمال اصبح
...........................صفر يصير فوقتها راس مالك

لا ماضي لا حاضر و لا افراح تشرح
...........................صدرك عشان شوي يرتاح بالك

و زود البلا ذبحك لنفسك بعد ذبح
..........................الحظ لك..تذبحك حربة سؤالك

لو كنت قد سويت و سويت..اصلح؟
..................و يمنى الندم تضرب في حسرة شمالك

و ياليلتي كم صبح عدا و لا صبح
.......................و الوقت كلّه كان صبح فوصالك
انشاء الله ينال اعجابكم