مشــــــاهـــــــد من الحيـــــــاة لا تـفــوتكــــم !!!!

مشــــــاهـــــــد من الحيـــــــاة

المشهد الأول:
وحدة مزيونة بالحيل.. وحبيبة..

بس تخون!!

شو أسوي بجمالها؟؟

بياخذها الزمان وتبقى عجوز..

عادي.. طاح الحطب.. وحلوة الحياة

المشهد الثاني:
سيارة مسرعة.. وتدعس لها واحد.. مسكين هندي..

والعسكري صديق الطايش.. والخطأ نصه على الهندي..

والباقي على أبو الطايش..

وفي الليل.. الطايش يلعب ورقة

عادي.. طاح الحطب.. وحلوة الحياة

المشهد الثالث:
غني وظالم.. يطرد المساكين.. ويستغل الضعاف..

مغرور وفاسق.. ومجلسه عامر..

ومع ذلك يجمع حسنات.. من كثر اللي يسبونه..

عادي.. طاح الحطب.. وحلوة الحياة

المشهد الرابع:
يكد يدرس ويشتغل.. عشان يبني مستقبله..

تزوج وجاب عيال.. ثم تقاعـد..

صار يسكن في مكان.. وأم عياله في مكان..

والسبب العيال..

صار دار المسنين بيتهم ..

عادي.. طاح الحطب.. وحلوة الحياة

المشهد الخامس:
تغازل وتأخذ أرقام.. وتطلع مع هذا.. وتواعد ذاك..

ويوم طاح الفأس في الرأس.. بكت..

وراحت تشكي لأمها غدر الزمان.. طبطبت عليها وقالت:

ولا يهمك.. سفرة للخارج .. وشوية سيولة وترجعين بنت..

عادي.. طاح الحطب.. وحلوة الحياة

(لاحول ولا قوة الا بالله )

المشهد السادس:
مرفوع الكفن أبيض.. وصاحبه وسط البياض..

بعضهم يبكي.. وبعضهم عادي..

دفنوه.. وتبكـبكـوا شوي..

وآخر الليل سكارى..

عادي.. طاح الحطب.. وحلوة الحياة

المشهد السابع:
قارورة ماي.. ما تضره.. طايحة في السيارة

يناظرها بغضب.. زعلان منها.. فتح الشباك.. ورماها وسط الطريق..

وإذا اجتمع مع الشباب قال: متى بنـتـحـضـر؟؟

عادي.. طاح الحطب.. وحلوة الحياة

المشهد الثامن:
أهم شي الثوب نظيف.. والغـترة مكوية..

والقلم ماركة.. والساعة تضوي..

والنعال جلد.. والسيارة عجب..

و تلفونه ما يسكت.. إما بنات..

أو البنوك تبي فلوسها..

عادي.. طاح الحطب.. وحلوة الحياة

المشهد التاسع:
سطحية.. و مغرورة.. غبية.. ومتكبرة..

وياريتها حلوة.. تبي زوج مواصفاته:

ما يقول "لا".. ويكره الاستراحات

لازم وسيم وأنيق.. ومتعلم.. ودخله ممتاز ويحب السفر..

و بعد سنين.. تلاقي نفسها في الإنترنت..

تدور واحد يقبل بها..

عادي.. طاح الحطب.. وحلوة الحياة

المشهد العاشر:
فتح الكمبيوتر.. ودخل المنتدى..

وكلامه ما يتعدى "إن الموضوع روعة ورهيب"

وهو ما قراه ولا يعرف منو كاتبه..

بس يبي يزيد المواضيع موضوع .. ويزيد همومنا هم..

علشان يصير صاحب الألف موضوع..

و يتميز.. والمشكلة إنه يتميز..

عادي.. طاح الحطب.. وحلوة الحياة

المشهد الأخير:
الكذب إثم.. ومع ذلك نستخدمه

و ندري إن هذا حرام.. ومع ذلك نجربه

نتذكر السهر والفرح والسفر..

و ننسى الجالسين على أكتافنا..

و نتناسى إن معهم كتاب يسجل أفعالنا ونوايانا..

كل شي محسوب.. حتى النظر..

نسينا إن ورانا يوم.. علاماته قربت..

ومع ذلك كلنا ناسين..

أن بقيت على حالك تتناسى.. لازم تعرف إن:

ذاك اليوم ليس بيومٍ عادي..

وأنت الحطب.. وليست به حـيـــاة!!

توقيع العضو عشقتها الزقم

مشــــــاهـــــــد من الحيـــــــاة لا تـفــوتكــــم !!!! 1262086021

توقيع العضو بسمة امل

مشكورة على المرور

توقيع العضو عشقتها الزقم

بارك الله فيك على هذ الموضوع الطيب

والكلمات التي خطتها يداك بارك الله لك فيها

جزاك الله خيرا وفي انتظار مواضيعك ومشاركاتك القادمة ان شاء الله

توقيع العضو شوقي