:slt:



ليوم جيت نمنشر واحد ما يحاسبني

شفتو :

واحد :: ديما حزين سامط فوق الحق

وثاني :: الطفلة هاذ متمنية تموت سبحان الله عيش تشوف

والاخر:: طفل واحد ما يفهمو

....:: متكبر بزاف زعمة زعمة فور

.....:: هاذ الطفلة متسكتش خلاص توجور تهبل لعباد

_____________

موضوعنا ليوم ماشي حكاية تمنشير وفرات
ليوم حابة نعرف علاه الناس تحب تحكي على غيرها بالعاطل؟

تكون معاه صاحبو وحبيبو ما يحبلك غير الخير
انت تخطيه وهو يبدل الفيستة ويدور عليك 180 درجة
كي تعود معاه يقولك انت فور يمدح ويزيد
كي تروح ويدورها بالسبان -- هذا واش حاسب روحو --

عدنا في زمان مفيهش الأمان
تقول كلمة تصبح في عشرة
ناس ملاح ربي يبارك من فم الناس ما تسلك
واعر وماكش متربي كيف كيف
تعرف تقرى ما تسلك ومتعرفش ثان متسلكش
تلبس مليح ولا متلبسش ماكش سالك
يستناو غير وقتاه تغلط باه يديرو بيك رابور
والله يا جماعة الخير غير عدنا في وقت تخاف تصاحب
ولاّ اقرب صديق ليك يهدر فيك من ورا ظهرك
تخاف تخرج سرك لاي انسان

ليوم
حبيت نعرف وجهة نظركم اتجاه الانسان اللي 24/24 ساعة وهو جايب في سيرة الناس بالعاطل
هل هو حسد ولاّ حاجة اخرى ؟
ليكم الخط

_________________

واللي اشارتلهم لفوق متزعفوش غير نقصر برك ههههه
ولاّ انا اللي نزعف نورمالمون تخلصوني حق ما هدرت عليكم هههه

سلام

يعطيك الصحة عندك الحق كلامك صحيحح أخي

هاذا تعدى صلاحياتي خويا مرسي

بارك الله فيك خويا بالصح وش هالتشاؤم هذا الدنيا توجور فيها المليح و المش مليح و أنتايا اللي تعرف شكون تصاحبو هداماكان.
أما على الناس اللي يهدرو بالعاطل على الناس السبب هو ممكن الحسد أو فرغان شغل .
تقبل مروري نهال