طعم الحب تغير
وقت الفرح صغير
أكبر لحظة ود وحب
وصدق زمانها قصير

الحلو بيتمرر
والجرح بيتكرر
نجرح نإلم نقسى
ونظلم وغلطنا بيتبرر

اللي نحبه بنودعه
واللي في إيدنا بنضيعه
واللي ناسينا عايش فينا
واللي شارينا بنخدعه

ولا في الشدة حبايب
ولا في الدمعة قرايب
كله في جرحك مرحك مرك
نارك ألمك غايب

حبل الود اتسيب
طعم الظلم يشيب
زمن الصدق وزمن الطيبة
بقت حاجة بتتعيب

معنى الحب بنزيفه
صوت الحق بنكتفه
واللي دابحنا ساكن روحنا
واللي جارحنا بننصفه

ماشية الدنيا ودايرة
فيها مراكب سايرة
ناس في مراكب ضايعة وناس
في مراكب تايهة وحايرة

ناس أحزانها شديدة
وناس سكتها بعيدة
ناس كل ما دمعتها بتدبل
تطرح دمعة جديدة

في عز ألمنا وفي جرحنا
بنتخلى عن بعضنا
وادي قصتنا، وادي حكايتنا
وادي دنيتنا إنت وانا

.

الله يبارك علا الموضوع الرائع
شكرا جزيلا

شكرا اختي
:study:

مشكورة كتير أختي رزان موضوعك والله رائع









:study: :study:






:0::

هاتي المفيد