السلام عليكم .....قلبي أنا ":} قلبـي أنـا ماهــو ليّـا المحـنة لي تجــي مـني تديـه **** تعـذبه...تكويـه ألـف كيـة وديـر فصـالـة راسـها فيـه **** تبكيـه الصباح تزهيـه لعشيـة مهـما دارتله بضـحكة تنسيـه **** هي ...راقـدة في دارها هانيـة وهو... شـتا يغمضلــه عينـيه **** عينين الريـام رمـاوه في هاويـة داروه في شكـارة و بلعو عليـه **** شغلـو بالـه سلبـوه من الدنيا طيـحو صـوره و شـتا يبنيـه **** من بغـاها بزاف بغاتـه شويـة ومن والفـها في ولفـه تعاديـه **** تعاديـه تنسـاه تتغـطي بملايـا تهجــر داره م القلب تمحيـه **** تجيـف رقبـته تلويها ليّــه تقطــع عرقه م الـدم تخويـه **** ينـور يامـها بالحـب والحنيـة وهي.. بظـلام الهمـوم تضويـه **** توريله النجـوم في عز الصبحيـة ودرق شمـسه و تحرشها عليـه **** تقولـه يا حبيـبي ما تفكر فيـا هاك حبـك عنـدك خليـه **** تهجره بعدما شطناته الهميـة و وشمت اسمها في حياته و فيـه **** معلبالهـاش بلي الحب بليّـا و المبلي ربي يعفـو عليــه **** هو... برهـوش ما يدير عليـا و يبغي يحبـس منين نوصيـه **** كى نعيطـله و نقوله و صيـة يدور راسـه و يبلـع و ذنيـه **** بحـر النـــسا ياكل النيـة يقولي النية ربي يجــازيـه **** نحلف ما يزيد يسمع لغايـا نعفه نشري راحتي و نخطيـه **** مانسلكه مادرتها بكف بيديـا عينيه داروها يسـلكها بيديـه **** مسكين ضناه حب العكليـة هبلني الله يقاويـني و يهديـه **** يا حبيبي يا لي راك تسمع فيـا عطيـني ملح ايـدي و ديـه
موضوع: قلبي أنا ! 
الجمعة مايو 20, 2011 9:32 am
قلبي أنا ":} 
